بانيه بطعم مختلف وبطريقة مختلفة خاااااااالص

بسم الله الرحمن الرحيم


اخواتى واخوانى الغالين
احب اقدم لكم طريقة البانيه اللى عجبتنى قووووووووووووووووى
ويارب تعجبكم انتو كمان
هو بانيه بطعم المشوى واليكم الطريقه
اولا المقادير
1/2 بانيه
علبة زبادى
4 معلق مسطرده
1 بصله
وطبعا ملح وفلفل اسود


الطريقة
تفرم البصله ناعم جدا وبعدين تحطى عليها الزبادى والمسطرده وتقلبيهم لحد ما يمتزجو ببعض وتضيفى باقى المقادير
وطبعا البانيه فى الاخر
وتسيبيها اطول وقت ممكن فى التلاجه
انا بسيبها من باليل الى الصبح يعنى وقت ما هبدا اعملها
وبعدين تدهنى صنيه زيت او سمن
وتشعلى الفرن
وتحطى البانيه وحده وحده فى الصنيه مع مراعات عدم ترك البصل عليه


وتسيبيه شويه مش كتير لحد لما يشرب المايه بتاعته وتحسى انه استوى
تروحى على طول مشغله الشوايه شويه
علشان لونه يبقى حلو ومحمر
وفى هذه الاثناء تكونى مولعه فاحمه بنت ناس كده وتملا العين وتوسعى لها فى صينية الفراخ وتحطيها وتحطى عليها معلقت زيت وتغطيها على طول علشان الدخان ما يتسربش والبانيه ياخد ريحت الدخان
وبالهنا والشفاء